How Access and Handle Form Data in PHP (POST And GET)

Aj is article me me apko batao ge ke PHP me forms ko kis tarah handle kia jata hay, super global array $_GET aur $_POST kia hain? Forms ki value ko kis tarah PHP me process kia jata hay etc.

What is HTTP?:

Jaisa ke apko pata hoga ke HTTP ek protocol hay jis ko use krte we client aur server ek dusre se communicate krte hain.

Jab bhi ham kisi server se communicate krte hain to hamari ek HTTP request server ke pas jati hay aur server ka response hamare pas HTTP response ki surat me ata hay.

Jaise Jab ham kisi website ko access krne ke liye us ka URL address bar me likh kr enter krte hain to phir us website ke server ke pas ek HTTP request jati hay jis kay response me hamare pas us website ka ek page ajata hay.

Lekin HTTP request sirf website ko access krne se nh jati balke  ham kisi form ko fill karke submit karte hain to bhi ek HTTP request server ke pas jati hay, Jis me ham server se kehte hain ke is form ko submit karne par response me hamen koi web page de do.

PHP Form Handling:

Ab q ke ham form submit karhe hain to iska matlab form ke data par koi na koi processing hogi (E.g data ko database me insert krna) aur wo php me hogi to isliye ham server se request krte hain ke form submit hone per kisi PHP file ko execute krdo.

PHP file ko request krne ke ilawa ham apne data ko server per sent bhi karte hain yani ham form ko submit krte we do kam karte hain:

1-Request PHP file

2-Sent form data to server

Uper wale donu kam krne ke liye hame kuch form ke kuch attributes samjhne ki zaroat hay.

1-Action

2-Method

3-Name

Action:

Action ek attribute ha jo ham form tag me use krte hain aur is me ham us file ka name likthe hain jo hame apne form key submit hone par chaiye, Jese below example me jese hi hamara form submit ho to add.php ki file ka code execute krke server hamen us ka ouput bheje.

Method:

Form ko submit krne ke sath sath hamen form ka data bhi chaiye hoga take ham us data ko add.php wali file me access krke database me insert krsken.

Ab sawal paida hota ha ke add.php wali file ko kia pata ke knsa data ko database me add karna hay yani jo data form se aya hay usey ham add.php wali file me kesey access karen?

To iska hal ye hay ke ham form ko submit karte we add.php file ko server se request krne ke sath sath apne data ko server ke pas bhej de gen take add.php wali file me ham us data ko access krke database me insert karsaken.

Ab server ke pas ham apne form ke data ko do tariko (Methods) se bhj skte hain.

1-GET- Is method ke through hamare form ka data URL me append hojae ga jisen ham add.php file me access krskte hain.

2-POST- Is method ke through hamara data URL me append nh hoga balke HTTP Body ka hissa ban kr server ke pas chala jae ga jisey ham phir add.php wali file me access krskste hain.

Form ke data ko kis method ke through bhjna hay uske liye ham form tag ke andar hi ek aur attribute "Method" ka use karen gen jis ki value either POST hogi ya GET hogi.

Standard aur security point view se behter hay ke form ke data ko POST method ke through hi bhja jae q ke form me aksar hamare pas password wagera jesa sensitive data hota hay jo visible nh hona chaiye aur GET method ke through to har data URL me append hojata hay, jo visible hota hay.

Name:

Ab hamne form ke data ko access krna hay add.php wali file me aur suppose ham POST method ke through form data ko server ke pas bhj rhe hain.

To ab hamen form ke har element me jo value user ne input ki wo add.php file me chaiye, To us kay liye ham form ke har element me "Name" attribute use karen gen aur usey koi  name de den gen aur phir us name ko use krte hue ham form ke har element ko add.php wali file me refer Karen gen.

 

Super Global Array $_POST and $_GET:

Super Global Array ek associative array hoti hay jis ki value ham kisi bhi page per access krskte hain.

Agar hamne form me method POST use kia hay to hamare form ka data $_POST array me store hoga aur agar GET method use kia hay to $_GET me store hoga.

Ab hamne jis method ke through server ke pas form ka data bheja hoga to form ke data phir us method ki Super Global array me key=> value pair ki surat me store hojae ga, Key me har element ko hamne jo name assign kia tha wo store hoga aur value me us element me jo value input ae hay wo store ho gi.

Jese neeche example me hamne input type=”text” ko name=”email” diya hay, Ab is input ki value ko add.php me access krne ke liye ham is tarah likhe gen $_POST[‘email’].

Ab ap do files create karen ek file ka name rakhen “index.php” jis me hamare pas form ae ga aur us ke elements ae gen aur form aur element ko ham muktalif attribute assign Karen gen jinko upper hamne discuss krliya hay

1.  <!DOCTYPE html>  

2.  <html>  

3.  <body>  

4.      <form action="add.php" method="post">  

5.          <input type="text" name="email">  

6.          <input type="passsword" name="pass">  

7.          <input type="submit" name="submit">  

8.      </form>  

9.  </body>  

10. </html>  

Ab jese hi user apna email aur pass likh kr submit kare ga then server add.php me likhey gen code ko execute kre ga  aur form ka data database me insert hojaye ga, Ab dusri file create karen aur us ka name rkhen “add.php” .

1.  <?php  

2.      $email=$_POST['email'];  

3.      $pass=$_POST['pass'];  

4.      echo $email;  

5.        

6.      //Database Related Code  

7.  ?>  

Ab add.php me ham form ke data ko super global array( $_POST[] ) use krte we hue access karen gen aur un ki value email aur pass ke variable me store karen gen, Ab ham in donu variable me mojud value ko database ka code likh kr easily database me insert krskte hain, Filhal samjhane ke liye mene email ki value ko echo krdia hay.

Conclusion:

I hope apko samajh agya hoga ke kis tarikey se ham PHP me forms ko handle krskte hain, Form ki values ko access krke un per muktalif operation perform krskte hain, Lekin yad rkhiye programming practice ka name hay agar practice nhi to concepts ko koi kam nhi, Isliye ap khud se practice zaror ki jiye ga. 

Ap practice ke tor per ek registration form banaskte hain jis me user apni muktalif details enter kare aur wo database me store hojae.

Agar apko koi bhi help chaiye to is article per comment karen me apki bharpoor tarikey se madad krne ki koshsih krun ga.

Thanks and remember Sharing is Caring !